Une dizaine d'hectares de maquis part en fumée à Corte
(A redazzioni d'Alta Frequenza) - Hè partutu un focu ssu luni dopu meziornu appena nanzi à 3 ori à a surtita meziornu di Corti par andà in Aiacciu. Una decina d'ettari di machja zeppa hè dighjà stata parcorsa da i fiari. À pocu pressu 70 omi, spinghjifochi è militari di Corti, Venacu è sustegni di a Drôme sò mubilizati, appughjati inde l'aria da dui Canadair, dui Tracker, un elicotteru chì lampa l'acqua è un avviò Dash. Altru focu, versu un'ora nant'à a cumuna d'A Lucciana, induva quattru ettari di vegetazioni sò stati brusgiati. Dui Tracker ani parmissu frà altru, sicondu u SDIS di Corsica Suprana, d'ammaistrà u sinistru.
Sur le même sujet
