Une charte ville aidante Alzheimer signée entre la ville de Bastia et France Alzheimer
Par disgrazia, sò tanti è più i malati d’Alzheimer, in Corsica com’è in altrù. Pà i parsoni è pà i famiddi, i cunsiquenzi d’issa malatia sò beddi grevi.
Fendu issu custatu, France Alzheimer è a cità di Bastia ani signatu una cartula, da chì Bastia sichi una cità aiutanti di pettu à a malatia.
A cità di Bastia hà da metta un lucali à dispusizioni di l’associu, da ch’iddi poschini riceva, i benevulanti, i malati è i so famiddi. D’altri azzioni sarani missi in anda.
Pierre Savelli, u merri di Bastia, chì si hè pittughjatu in famidda à una malatia neurodegenerativa, dici tutta a impurtanza ch’idda t’hà issa cartula par iddu.
Steti lu à senta.
Pà l’associu France Alzheimer, a signatura d’issa cartula hà da facilità a stallazioni d’unu scagnu di l’associu in Cismonti.
Steti à senta u duttori Marie-Pierre Pancrazi, a vici prisidenti di France Alzheimer in Corsica.