Un millier de personnes pour la manifestation A Droga Fora à Ajaccio : les réactions
Circa middi parsoni si sò mubilizati ghjovi in sustegnu à i impiicati municipali minacciati fendu u so travaddu in fin’di sittimana scursa. Issa mubilisazioni si hè ancu datu u mutivu di lutta contru à a droga.
U PNC, Corsica Libara, Cori in Fronti, Femu a Corsica, calchì elettu lla maiurità municipali d’Aiacciu, l’associu Palatinu, uni pochi di riprisintenti sindicali o culturali erani chivi.
Pà Pierre Poli, cunsiglieri tarrituriali PNC Avanzemu, è merri d’Eccica è Suaredda, ci voli à trattà issu pinseri di manera glubali, piddendu in contu a puvartà. Mancu à pinsà la à lacà u trafficu di droga metta in piriculu l’avvena lla ghjuvantù corsa.
Steti à senta à Pierre Poli.
Ùn hà dittu altru Cori in Fronti, chì si voli uppona à issa prublimatica di u trafficu di droga, è fà di tal’manera ch’idd’ùn si ni vica in Corsica, zoni di non drittu.
Steti à senta à Véronique Pietri, cunsigliera tarrituriali.
Nicolas Battini, di l’associu Palatinu, hà dittu ch’idda era impurtanti issa mubilisazioni di ghjovi.
« Si tratta di ricusà, di manera calma è ferma, tutti i logichi di cunquista tarrituriali, da riaccirtà chì mai nisciun’legi cumunitaria ùn si hà da impona à discapitu di i corsi ».
Steti lu à senta.
Infini, pà Charly Voglimacci, aghjuntu à u merri d’Aiacciu in carica di a pulizza municipali è di a pulizia urbana, a sulidarità cù l’agenti municipali hè impurtanti, com’idda hè impurtanti a mubilisazioni contru à u trafficu di droga.
Ci vurrà avali à cuntinuvà cù issu filu.
Steti lu à senta.
Sur le même sujet
