Un commerçant agressé à son domicile à Corbara
(A redazzioni d'Alta Frequenza) - Ssu vennari da mani à bon'ora, un cummircianti à a ritirata hè statu agressatu dopu essa surtitu da a so casa di Curbara da trè omi incappuccinati è assai armati. Sicondu a pricura, hè statu attaccatu d'una manera viulenti, prima d'essa affunatu in casa soia, lachendu u tempu à i malfattori d'arrubà assai soldi prima d'andassini cù a vittura di a vittima, chì hè stata ritrova brusgiata più luntanu in u rughjonu. Di pettu à u carattaru gravu di l'agressioni, a sizzioni di ricerca di a gendarmeria hè stata missa in carica di l'investigazioni da a pricura di Bastia pà un'inchiesta d'arrubecciu cù armi è sequestrazioni.
Sur le même sujet
