Un calendrier mis en place pour se pencher sur les revendications des pêcheurs ajacciens
(A ridazzioni d'Alta Frequenza) - Luni, hè stata ricivuta in prifittura una diligazioni di i piscadori prufiziunali d’Aiacciu. Dumandani, issi piscadori, chì u prezzu llu masuttu sichi missu à paru à quiddu llu cuntinenti, l’apartura d’un dispusitivu d’aiutu di minimi pà tutti i piscadori parvia di a perdita di splutazioni, l’esunirazioni in parti lli carichi, è una tassa di cala pà a navigazioni d’asgiu. Dici a prifittura lla Corsica ch’idd’hà presu in contu issi difficultà, chì duvariani purtà à porghja « un aiutu iccizziunali à i piscadori dannighjati da a timpesta Adrian », ma dinò un « aiutu fissatu par quiddi ch’avariani persu a so attività ». L’altri sughjetti, dici a prifetta, sarani fighjulati à veru di manera minuta. U sicritariu di statu si hè ingagiatu, dindu ch’iddu urganizaria, toccu mezu ghjinnaghju, una riunioni, da virificà l’avanzi fatti, è misurà i travaddi avviati.
