Tour de Tomino transformée en meublé de tourisme : Core in Fronte s'y oppose fermement
Image : Cori in Fronti
Avendu presu cunniscenza di u prughjettu di vendita di a turri di Poghju, in Tuminu, si hè fattu senta Cori in Fronti, via un cumunicatu.
Issu prughjettu pudaria essa di quiddi chì vani à trasfurmà u patrimoniu storicu in mubulati di turismu.
Cori in Fronti hà dittu ch’iddu s’uppunia in tuttu à issu pessimu prughjettu.
« Issa turri hè patrimoniu matiriali di u Capicorsu è di a Corsica », scrivi u muvimentu indipindintistu, chì cunsidarighja ch’issa turri « ùn devi duvintà una risidenza statinesca pà razza d’un turismu rispunsevuli di a crescita di i prezza di l’immubiliari in Corsica, è chì pruduci spussessu è spiculazioni ».
Cori in Fronti ni chjama à a famidda di i prupriitarii, ch’idda cedi a turri, in casu di vendita, à una cullittività publica, da pudè ni fà una vera missa in valori.
Cori in Fronti dumanda à a Cullittività di Corscica è à l’Uffiziu fundariu d’intarvena, puliticamenti è finanziariamenti, di pusiziunà si pà issa turri di Poghju, ch’idda fermi prupriità di un patrimoniu Capicursinu.
Ramintemu chì Femu a Corsica hà chjamatu à un’accolta sabbatu à deci ori è mezu davanti à a turri di Poghju.
