Territoriales : Jean-Martin Mondoloni a lancé sa campagne
(A redazzioni d'Alta Frequenza) - Cù un'alizzioni u 3 è u 10 di dicembri, di sicuru, a campagna di i tarrituriali và più in furia. Ssu sabbatu, hè Jean Martin Mondoloni chì hà lanciatu a so iniziativa, A Strada di l'Avvene. Un caminu inghjiru à un prugramma, SAPÈ, chì adunisci a saluta, l'ecunumia, l'ambienti è a furmazioni, cù parsunalità pulitichi chì t'ani un pesu impurtanti. S'è a prisenza di Camille de Rocca Serra nant'à a so lista ùn era micca un sicretu, Jean Martin Mondoloni hà fattu sapè chì i sicondu è terzu posti sariani attribuiti à Chantal Pedinielli è Xavier Lacombe, mentri chì u merri d'A Ghisunaccia, Francis Giudici, chì ùn era micca prisenti ssu sabbatu, pianta a so dimarchja pà vultà in a so famighja pulitica d'urighjini. Vultaremi luni d'una manera più ditagliata nant'à u lanciamentu di ssa campagna.
