Tentative d'assassinat à Sartène : l'enquête démarre
(A redazzioni d'Alta Frequenza) - Principia l'inchiesta dopu a prova d'assassiniu accaduta ssu vennari à sera appena nanzi à 8 ori nant'à a cumuna di Sartè. Ramintemi chì un omu, Jean Pierre Giacomoni, 51 anni, s'hè fattu tirà à dossu in a residenza Les Collines. Tocca in parechji lochi, a vittima hè stata presa in carica in furia da i succorsi è purtata à l'uspidali d'Aiacciu. Quattru colpi sariani stati intesi, ma l'affari devi essa torna cunfirmatu sicondu u prucuratori di a Republica, Eric Bouillard. Ùn si ni sà micca di più nant'à i fatti, nè nant'à a saluta di a vittima. Jean Pierre Giacomoni, cunnisciutu da i servizi di pulizza è di ghjustizia, era dighjà statu vittima d'una prova d'assassiniu menu di setti anni fà.
Sur le même sujet
