Tags contre une enseignante à Conca : le STC Educazioni appelle à un débrayage jeudi
(A ridazzioni d'Alta Frequenza) - U STC educazioni chjamà à arristà i cursi in i scoli di l’accademia ghjovi. U sindicatu faci sapè ch’iddi sò stati scritti minacci contru à un’insignanti, à nantu à i 9 metra di muru ch’accinghjini à scola di Conca. U STC Educazioni « si pesa cù forza contru à issi maneri d’un altru tempu ». Pà u sindicatu,« ùn basta a sola è ferma cundanna d’issu fattu indegnu, zoticu è vituparatu ». Dici, u STC, chì a primura maiori devi essa pà « a infurmazioni, a sinsibilisazioni, a sulidarità insignanti è parintali ». U STC Educazioni chjama tutti i scoli di l’Accademia di Corsica à arristà i cursi, ghjovi matina, è dumanda à tutti i insignanti è parenti d’elevi llu Purtivichjacciu d’accodda si davanti à a scola di Conca, ghjovi sera, à 5 ori è mezu, « pà una mubilisazioni citadina, in segnu di sulidarità »
Photo STC.
