Stéphane Sbraggia élu maire d'Ajaccio lors d'un conseil municipal extraordinaire
Stéphane Sbraggia hè u novu merri d’Aiacciu. Hè statu elettu sta mani cù 39 voti. Corsica Libara, Femu a Corsica è Etienne Bastelica ùn ani participatu à u votu. U PNC ùn c’era.
U so primu aghjuntu hè Alexandre Farina.
U diputatu Laurent Marcangeli ferma in u cunsigliu municipali, ma voli à tempu ghjuvà si di a so funzioni di prisidenti llu gruppu Horizon à l’Assemblea Francesa par fà avanzà i cartulari corsi.
Sta mani, mentri l’alizzioni, l’uppusizioni prisenti hà dittu ciò ch’idda aspittaia da u novu merri, ma hà fattu ancu a critica llu gistimentu di i cartulari impurtanti.
Laurent Marcangeli hà rispostu à Jean-Michel Simon, cunsiglieri municipali di Corsica Libara, dinduli chì a so critica era senza fundu è ch’idd’ùn era u mumentu di purtà la.
Steti à senta à Jean-Michel Simon
Laurent Marcangeli hà dittu a cunfidenza ch’iddu purtaia à Stéphane Sbraggia, chì travadda à torru ad iddu chì sò anni è anni. À senta lu, t’hà a capacità à purtà a funzioni è i prughjetta di a cità.
Steti à senta à Laurent Marcangeli.
Stéphane Sbraggia era cumossu da iss’alizzioni. Hà dittu ch’iddu voli cuntinuvà l’azzioni avviati sinu ad oghji. Dici, u novu merri d’Aiacciu, ch’idd’ùn ci voli à uppona benistà, vita cutidiana è gran’prughjetti.
Steti à senta à Stéphane Sbraggia.