STC-Pôle Emploi Corse : le torchon brûle
(A redazzioni d'Alta Frequenza) - Evenimentu novu ssu ghjovi inde l'affari dittu di u Pôle Emploi di Corsica. Mentri chì 5 agenti sò sempri minacciati d'essa lampati fora è scartati di manera cunservatoria pà certi, u STC cuntinueghja i so azzioni è a so greva. Hè in u quadru di ssu muvimentu chì a direzzioni si saria prisintata stamani davanti a direzzioni d'Aiacciu accumpagnata da raprisintanti di i forzi di l'ordini è di a pricura cù u mutivu sicondu u sindicatu di riguarà ducumenti. I raprisintanti di l'impiegati stimani chì ssi ducumenti pudiani essa stati presi arimani è chì ciò chì hè accadutu stamani hè un'intimidazioni è una manipulazioni. A mubilisazioni di u STC s'hè allargata oghji à tutta a Corsica pà dumandà chì l'impiegati incausati ritruvessini una situazioni nurmali. Un affari ancu di più aspittatu mentri chì a Direzzioni di u Travaghju, d'appressu u sindicatu, hà rilevatu prublemi ind'a prucedura missa in ballu. Pà u STC, ssu cunflittu hè podassi dinò una parti solu di un affari maiò piattatu, cù a brama di a direzzioni di mandà in un antru locu certi servizi strategichi.
Steti à senta à Marie François Casinelli pà u STC Pôle Emploi.
Sur le même sujet
