STC Educazione : les nouveaux lauréats du CAPES dans l'île doivent rester en Corse !
(A redazzioni d'Alta Frequenza) - "I ghjovani insignanti corsi t'ani tutta a so piazza nant'à so tarra" ! U missaghju, chì ùn hè micca novu, hè statu lampatu ssu vennari da mani davanti u retturatu in Aiacciu da u STC Educazioni, chì urganizava una cunfarenza di stampa. In cori à i dibattiti, quì dinò un prublema sempiternu : a numinazioni di i novi titulari di u CAPES nant'à l'isula chì, dopu a so annata di staziu sopralocu, sò mandati par un certu numaru in cuntinenti. Pà u sindicatu, ssa situazioni ùn pò più cuntinuà è u dirittu cumunu, liatu à i cuncorsi naziunali, ùn si devi più appiegà nant'à l'isula. U STC Educazioni dumanda l'arrigulamentu di ssu prublema pà sta riintrata subbitu è di manera più glubali a missa in ballu di un sistema educativu spicificu pà a Corsica. Da un'antra banda, dopu à ssa cunfarenza di stampa, u rettori d'accademia hà ricivutu una dilegazioni di u STC Educazioni. Ci vultaremi ind'i nostri nutiziali chì venini.
Steti à senta à Jean Pierre Luciani pà u sindicatu.
Sur le même sujet
