Start-ups corses à Las Vegas : une belle opportunité aux yeux de l'ADEC
(A redazzioni d'Alta Frequenza) - U Consumer Electronic Show. Trè parolli in inglesi chì poni apra parechji porti. In fatti, ramintemi chì cinqui startups isulani sò in Las Vegas fin'è dumenica dopu essa stati selezziunati da l'ADEC è Business France pà purtà altu i culori di a Corsica chì innuveghja. In un'ecunumia numerica senza fruntieri chì parmetti di sunnià di più, ssu gennaru di saloni pò dà l'uccasioni à ssi startups di custruisciasi un carnettu d'indirizzi, di migliurà u so cuncettu, è pà quilli chì si poni espurtà u più di sperà d'integrà marcarti sempri di più maiò. Pà ciò chì tocca l'ADEC, hè un'uccasioni in più pà metta in valori u sapè fà corsu inde l'ecunumia numerica chì si prisenta, cù uppurtunità veri di sviluppu è di racolta di cuntatti è di cunniscenzi à parechji.
Steti à senta à Ghjuvan Cristofanu Angelini, u presidenti di l'ADEC.
