Signature de la charte de l'emploi local pour une corsisation des emplois
(A redazzioni d'Alta Frequenza) - Ssu marcuri in Bastia, a Cartula di l’Impiegu Lucali, purtata da u presidenti di l’Assemblea di Corsica, Ghjuvan Guidu Talamoni, hè stata signata da i Camari di Cummerciu è i Camari di i Mistieri di i dui dipartimenti, a Camara Regiunali d’Agricultura, u STC, a CFDT è altri participanti. Ssa cartula t’hà com’è scopu di batta à prò di i talenti è di a manu d’opara lucali in u publicu è in u privatu, eppo di metta in ballu misuri di furmazioni di i ghjovani. Una cartula chì ùn hè micca stata signata da u MEDEF è a CGPME, ma dinò a CGT, mentri chì u Prifettu di Corsica, Bernard Schmeltz, in una lettara mandata ssi pochi ghjorni à i signatarii, hà incalcatu nant’à u fattu chì tutti i misuri chì pudariani favurizà una parti di a pupulazioni di pettu à un’antra, frà altru in u duminiu linguisticu, era un’infrazzioni chì pudaria inghjinnà seguiti ghjudiziari civili è penali.
Una lettara chì ùn scuraghjisci mancu appena i signatarii, com’ellu a ci spiega u presidenti di l’Assemblea di Corsica, Ghjuvan Guidu Talamoni.
