SDIS 2B : le STC inquiet de la situation financière
(A redazzioni d'Alta Frequenza) - Situazioni finanziaria bullenti ind'è u SDIS di Corsica Suprana. Hè cusì ch'è no pudariami riassuma a cunfarenza di stampa di u STC ssu marcuri matina, chì hà incalcatu nant'à u fattu ch'ellu manchessi guasgi un millioni d'auri da fà chì u bughjettu 2017 sighi in equilibriu par via di u numaru impurtanti d'intarvinzioni eccezziunali com'è i fochi maiò di ss'ultimi mesi. Una mancanza di mezi chì t'hà cunsiquenzi nant'à i parsunali, chì ùn bastani micca sicondu u sindicatu, nant'à i camiò di lotta contr'à i fochi, chì invechjani, nant'à u matiriali chì ùn basta più, è chì raprisenta d'appressu à u sindicatu una rumpitura di u cuntrattu murali trà a pupulazioni è u SDIS à u nivellu di l'ugualità di i succorsi. I spinghjifochi STC ani dinunziatu a mancanza d'anticipazioni, d'appressu à elli, di a presidenza di u SDIS, parlendu di difettu strutturali inde u funziunamentu di u SDIS. Dumandani d'equilibrà torna u bughjettu senza andà à caccià soldi ad altri parti, lampani una chjama à i candidati à i tarrituriali nant'à a situazioni di i dui SDIS è u so avvena nentru a cullittività unica, è mantenini u so preavisu di greva pà u 16 di nuvembri, u ghjornu di a sissioni di u cunsighju dipartimintali di Corsica Suprana.
Steti à senta à Lucien Rossini, secretariu naziunali di u STC di i spinghjifochi.
Sur le même sujet
