Scrizzioni di a Corsica inde a Custituzioni : tuttu què par què ?
(Maria Lanfranchi - Alta Frequenza) - Un statutu luntanu da i brami demucratichi : eccu u parè di Gilles Simeoni è Ghjuvan Guidu Talamoni dopu à un scontru novu cù Jacqueline Gourault, a Madama Corsica di u guvernu. Senza entra inde i ditagli tennichi, si pò custatà chì a scrizzioni di a Corsica inde a Custituzioni si farà infini senza nuvità maiò è soprattuttu propiu luntanu da u spiritu girondinu è dicintralizatori missu in avanti da Emmanuel Macron duranti a so campagna. Pà Gilles Simeoni, u guvernu hà rinculatu inde ssu neguziatu cù a Corsica è soprattuttu ùn hà mustratu nisun vulintà di rispittà u suffraghju universali. Chì diventani tandu i cartulari maiò chì duviani andà cù « st’autunumia » chì ùn farà micca parti di l’articulu ?
Elementi di risposta cù Gilles Simeoni, presidenti di l’Esecutivu di Corsica.