René Exbrayat nous a quittés
Si hè sappiuta duminica : si n’hè mortu René Exbrayat, l’anzianu addistradori di u SC Bastia.
Avia presu u cumandu di u Sporting par dui staghjoni, da u 1991 à u 1993. A so missioni l’avia riisciuta, chì i so risultata erani boni.
Elettu addistradori di l’annu di a siconda divisioni da u ghjurnali france Football, avia finitu quartu llu campiunatu u primu annu, è avia purtatu a so squadra in meza finali lla cuppa di francia, quidda famosa meza finali contru à Marseglia, è chì par disgrazia ùn si hè pussuta ghjucà quiddu cinqui di maghju llu 1992, in Furiani.
René Exbrayat hè statu l’addistradori d’Arles, Avignon, Nîmes, Martigues, Le Havre, è ancu di quadri stranieri com’è u Club Africain in Tunisia o u Servette de Genève in Svizzara.
René Exbrayat, chì si n’hè mortu issa duminica, u 29 d’uttrovi, t’avia 75 anni.
