Rencontre avec Mme Gourault : la question constitutionnelle a été débloquée selon la présidence de l'assemblée de Corse
Rencontre avec Jacqueline Gourault : la question constitutionnelle a été débloquée selon la présidence de l'assemblée de Corse
(A redazzioni d'Alta Frequenza) - Inde a presidenza di l'assemblea di Corsica, si cunsidareghja, in un cumunicatu, chì "u scontru di ssu ghjornu cù Madama a ministra pà u ministru di Statu, ministru di l'Internu, Jacqueline Gourault, hà parmissu d'arrighjistrà u sblucchimi di u prublema custituziunali", ramintendu chì ssu puntu firmava un sughjettu fissu dipoi una quarantina d'anni. S'ellu ci voli à firmà prudenti à ssu nivellu di i discussioni, a presidenza di l'assemblea stima ch'ellu si tratta "senza dubbitu di un'avanzata cunsiquenti". U cumunicatu ci ampara chì u presidenti di l'assemblea, Ghjuvan Guidu Talamoni, hà presu l'iniziativa d'una prima riunioni di travaghju cù u Prufissori Wanda Mastor, spicialista di u dirittu custituziunali. "S'hè fattu un ghjiru largu, in particulari nant'à a necessità d'intruducia d'una manera chjara inde a Custituzioni di u 1958, a pussibilità pà a Corsica d'avè derugazioni, frà altru inde i duminii linguistichi, fundarii, fiscali, istituziunali (puteri legislativu). Un prugramma di travaghju hè statu privistu in un tempu abbastanza cortu", si pò leghja in cunclusioni di u cumunicatu.
Sur le même sujet
