Rencontre avec Edouard Philippe : le sentiment de Jean-Félix Acquaviva
(A redazzioni d’Alta Frequenza) - Stu ghjovi à Matignon, i quattru diputati di a Corsica ani scuntratu u Prima Ministru. Jean-Jacques Ferrara hè statu ricivutu in cor di matinata, è un’ora più tardi, tuccava à i trè diputati naziunalisti di discorra incù Edouard Philippe.
Un scontru chì, paria vulsutu da l’eletti isulani par pona i fundamenti d’una riflissioni nant’à a Corsica.
I diputati naziunalisti ani ramintatu u cuntestu puliticu di l'ultimi dicenii, incù l'ultimi vittorii ch'omu sà.
Ani amintatu dinò " l'elementi chì custituiscini a suluzioni glubali di a quistioni corsa: dà un puteri legislativu è ligali in un statutu guarantitu pà a Corsica in la custituzioni , un trasferimentu di i risorzi fiscali, a suluzioni à i prublemi linguistichi è fundarii, u rinforzu di i paci incù l'avvicinamentu di i prighjuneri, prima passu versu l'amnistia". Una discursata custruttiva incù Edouard Philippe, com'ellu a dici Ghjuvan Filici Acquaviva chì insisti nant'à a necessità d'essa più cà mai risuluti nant'à u fondu.
Stemu à senta u diputatu di a siconda circuscrizzioni di Corsica Suprana
