Quasquara : la croix ne bougera pas affirme son maire
D’issa infurmazioni, publicata da Corse Matin, n’hà datu cunfirma u merri di a cumuna : un’abitanti di Quasquara hà attaccatu un’azzioni in tribunali amministrativu contru à a mirria, dumandendu ch’idda sichi cacciata a cruci posta à a intruta llu paesu.
Dici Marie-Noelle Franck ch’idda faci cussì à nomu di a laicità, ciò chì hà cumossu a municipalità è una bedda parti di l’abitanti di u paesu, di i circonda ma forsa ancu di a Corsica sana, à veda ni i reti suciali.
Paul-Antoine Bertolozzi, u merri di a cumuna, ùn capisci a scelta di a so paisana, è nega d’avè mancatu à a legi di spiccanza di i puteri : a cruci ùn hè uffesa à a laicità, ma rispettu di a cultura è di a tradizioni corsa.
Dici u merri di Quasquara ch’idd’ùn si hà da mova a cruci, è pensa ancu, par casu ch’iddu ci volga, à chjamà ni à u cunsigliu di statu.
Steti lu à senta.
Sur le même sujet
