Processus de Beauvau : le PNC fait une mise au point après les critiques de Core in Fronte suite à la réunion de Paris
A sittimana passata, gérald darmanin, u ministru francesu di l’internu, hà ricivutu à Laurent Marcangeli è à Jean-Christophe Angelini in Beauvau par discorra da palu in frasca. Gilles Simeoni, chì era invitatu ancu iddu, avia dicisu d’ùn andà ci.
A prisenza di Jean-Christophe Angelini à issa riunioni, Cori in Fronti l’hà criticata bè.
Tandu, u merri di Portivechju è u PNC ani riagitu : à senta li, ùn si tratta chivi di sacrificà a lutta naziunalista, ma di scedda u dialugu da sola suluzioni. Pensa u PNC chì sarrà a porta à u dialugu faria pighjurì a situazioni.
Si sà, in u mondu puliticomediaticu, chì u prisidenti francesu macron cumencia à spaciinzà, aspittendu u scrittu unicu prupostu da l’assemblea corsa.
L’eletti ùn ani più chè calchì sittimana par risponda à issa dumanda impirativa data da u prisidenti mentri u so discorsu di sittembri.
U PNC, ch’ùn circa à piattà u pinseri di parichji attori d’issu cartulari, credi in a capacità di l’eletti di a Corsica à truvà un accordu, malgradu i scarti marcati più chè mai.
Steti à senta à Jean-Christophe Angelini.
