Procès Battini-Tomasini-Verdi : les syndicats étudiants lancent un appel à la mobilisation
(A redazzioni d'Alta Frequenza) - A ghjuventù corsa si mubilizeghja dopu a sintenza sivera di a corti d'assisi spiciali di Parighji contr'à trè ghjovani militanti naziunalisti Nicolas Battini, Stéphane Tomasini è Ghjiseppu Maria Verdi. In Aiacciu ssu vennari, parechji centunai di liceani si sò par asempiu aduniti in carrughju pà cuntistà ssa dicisioni di ghjustizia. Appena dopu in Corti, induva l'Università di Corsica hè torna sarrata, i sindicati studientini Ghjuventù Indipendentista, Ghjuventù Paolina è Cunsulta di a Ghjuventù Corsica ani urganizatu una cunfarenza di stampa. Ùn accittendu micca a sintenza contr'à i trè ghjovani militanti, GI, GP è CGC ani dicisu d'urganizà da quì à calchì ghjornu una mubilisazioni pupulari maiò trapassendu largamenti u quadru studientinu, cù un locu, una data è mudalità sarani pricisati da quì à pocu.
Steti à senta à Paul Salort, u presidenti di a Ghjuventù Indipendentista.
Sur le même sujet
