Prison de Borgo : il s'agit bien d'un acte terroriste, insiste le délégué régional FO pénitentiaire
(A redazzioni d'Alta Frequenza) - Si tratta bè d'un attu tarruristu : Raphaël Barallini, dilegatu regiunali FO penitenziaria pà a Corsica, volta ssu luni nant'à u fattu chì ssa qualificazioni di tarrurista ùn sighi micca stata ritinuta da a ghjustizia. Ancu s'ella hè difficiuli in fatti, hà dittu quissu quì, d'adimetta chì a Corsica hè stata tocca da un attu tarruristu cù a "prova d'assassiniu" contr'à dui guardiani di prighjoni, hè par disgrazia una rialtà. Hè dunqua pà fà ricullà una scuntintezza putenti chì i survighjenti penitenziari ani "resu i chjavi" in u centru di Borgu è bluccatu stamani l'accessu à a prighjoni d'Aiacciu. Ss'ultimi sò stati cacciati da i forzi di l'ordini in Aiacciu. Malgradu tuttu, l'urganisazioni sindicali dicini ch'ellu ùn volini "cappià nulla" di pettu à u disprezzu di a so autorità è soprattuttu di pettu à u carattaru "amatori" di un'amministrazioni cunfruntata à prufiziunali di u crimini.
Steti à senta à Raphaël Barallini, dilegatu regiunali FO penitenziaria pà a Corsica.
Sur le même sujet
