Présidentielle : Jean Lassalle expose ses idées pour la Corse
(A redazzioni d'Alta Frequenza) - In u quadru di a prisidinziali, s'è certi candidati sò in testa di i sundami è in i media, d'altri, chì ani uttenutu anch'elli i 500 signaturi nicissarii, sò dinò elli in campagna. Hè u casu di Jean Lassalle, diputatu è merri di Lourdios Ichère in i Pirenei Altantichi chì cù u so muvimentu "Résistons" voli purtà u missaghju di a ruralità in ssa campagna, è dà torna à i cumuni di più pesu. U missaghju di quillu chì avia fattu a Corsica à pedi duranti cinqui ghjorni quattru anni fà hè soca statu intesu da l'eletti isulani, postu chì cù ondeci signaturi, hè statu u cinquesimu candidatu chì n'hà avutu u più nant'à l'isula, à parità cù Marine le Pen. L'uccasioni d'amintà cù Jean Lassalle i so idei cuncirnendu a Corsica, nant'à a cullittività unica, l'autunumia o u statutu di residenti.
Steti à senta à Jean Lassalle, candidatu à a prisidinziali.
