Politiques linguistiques et coofficialité : l'exemple gallois présenté à la CTC
(A redazzioni d'Alta Frequenza) - Apprufittendu di l’assemblea generali di l’Allienza Libara Aurupea urganizata ssa dumenicata in Aiacciu, u cunsighjeru esecutivu in carica di a lingua corsa, Saveriu Luciani, avia invitatu u gallesi Meirion Jones, u direttori di a Reta aurupea pà a prumuzioni di a diversità linguistica, u NPLD, pà animà una riunioni dibattitu inde l’emiciculu ssu ghjovi. Una cunfarenza intitulata « a missa in opara di i pulitichi linguistichi è di a cuufficialità », cù una quarantina di spicialisti chì hà pussutu metta in perspettiva a quistioni di a vitalità di a lingua corsa cù a situazioni di a lingua gallesi, ufficiali in u Paesi di Gallu dipoi u 1993. L’uccasioni di nutrisciasi di i sparienzi di tuttu ognunu pà pudè metta in appiecazioni dispusitivi è diffusà di una manera efficaci a lingua ind’i sfarenti parti di a sucità cù un pianu d’azzioni. Un asempiu di cuncertazioni chì metti in risaltu, torna, com’ella a voli ramintà a maghjurità tarrituriali nova, una Corsica chì s’apra nant’à u mondu, ghjirendusi à tempu ver di l’attori di tarrenu isulani.
Steti à senta à Saveriu Luciani, cunsighjeru esecutivu in carica di a lingua corsa.
Sur le même sujet
