Nuit d’horreur pour les habitants et les sapeurs-pompiers de Haute-Corse.
(A redazzioni d'Alta Frequenza) - Notti di spaventu pà l'abitanti è i spinghjifochi di Corsica Suprana. Sicondu u puntu rializatu in mità di nuttata da a prifittura di Corsica Suprana, aldilà di u focu di Sant'Andria di u Cutone arimani è chì hè oramai stabilizatu nant'à a zona di Cervioni, un sicondu sinistru hè partutu versu 8 ori di sera à u meziornu di u matrali di l'Alisgiani, chì s'hè spartu ver di u paesi di Chjatra. In u paesi di Chjatra, cinqui casi sò stati tocchi da i fiari, dui sò stati distrutti. Trè vittimi sò stati presi in carica : una parsona brusgiata à i membri infiriori è superiori, una parsona intussicata da i fumi è una parsona anziana appena ferita à una spalla. Una quarantina di parsoni ferma allughjata in a sala di i festi di San Ghjulianu, ghjunta da u paesi di Chjatra è di a piaghja vicina. U focu hà toccu dopu Canale di Verde, induva dui tetti ani cunnisciutu disguasti. Pà misura di securità, i spinghjifochi ani cacciatu l'abitanti di u paisolu di u Monte da i so casi, nant'à a cumuna di Linguizzetta. À 7 ori è mezu, u SDIS di Corsica Suprana facia dinò un bilanciu, cù l'evuluzioni aspittati è un bilanciu novu.
Eccu l'intervista di u tinenti Marien Setti.
(Ritrattu SIS2a)
Sur le même sujet
