Nouveau départ pour l'ex-CORSSAD sous le nom d'Amapa
(A redazzioni d'Alta Frequenza) - Dipoi calchì ghjornu, ciò chì fù u CORSSAD hè divintatu l'Amapa dopu a so ripresa davanti u tribunali di cummerciu di Bastia da u gruppu DocteGestio di Bernard Bensaïd. Una ripresa chì ùn era micca piaciuta à i sindicati, ch'ella sighi a CGT o u STC, ancu s'è u pruprietariu novu, ghjuntu da u cuntinenti è à u capu d'una struttura naziunali maiò, hà tinutu i 335 impieghi chì asistiani. Ci sò intarrugazioni di pettu à l'esistenza di un cumitatu d'intrapresa lucali, chì ùn hè mancu appena sicuru. Hè cusì chì dipoi u principiu di a simana, Bernard Bensaïd hà ghjiratu a Corsica à u cuntattu di i so parsunali cù un scopu chjaru, ripighjà i parti di marcatu persi in u settori di l'aiutu à a parsona da u CORSSAD duranti i so ultimi anni d'esistenza è dà un slanciu novu à l'impiegu nentru à l'intrapresa.
Steti à senta à Bernard Bensaïd.
Sur le même sujet
