Mission de Jean-Michel Baylet en Corse : la fin, mais peut-être pas
(A redazzioni d'Alta Frequenza) - Jean Michel Baylet era in visita in Corsica ssu ghjovi. U ministru di l'Accunciamentu di u tarritoriu, di a ruralità è di i cullittività tarrituriali hè ghjuntu pà fà un ultimu puntu nant'à a missioni ch'ellu hà purtatu duranti parechji mesi cù l'Assemblea di Corsica. L'urdinanzi criendu una cullittività unica in Corsica, a legi Muntagna, ùn vultaremi micca cù ditagli nant'à tuttu ciò chì hè accadutu in a vita publica di l'isula dipoi mesi è mesi. Jean Michel Baylet l'hà ditta ssu ghjovi : ancu s'è l'urdinanzi sò stati vutati, ferma torna assai travaghju à fà pà metta in appiecazioni tuttu ciò chì hè statu dicisu. In fatti, una legi diventa effettiva solu quandu i dicreti d'appiecazioni sò stati publicati. Prublema : l'alternenza pulitica pussibuli pudaria rimetta in causa tuttu ssu prucedimentu ingaghjatu ?
Steti à senta à Jean Michel Baylet.
Sur le même sujet
