Manifestation de Bastia : le témoignage de la mère de Stéphane Tomasini
(A redazzioni d'Alta Frequenza) - In u curteghju assai impurtanti chì hà caminatu sabbatu in Bastia, c'erani dinò, discreti è cù rispettu, i famighji di Nicolas Battini, Ghjaseppu Maria Verdi è Stéphane Tomasini. Di fattu, a mamma di ss'ultimu ci hà datu a so tistimunianza. Quilla d'una donna, Maryse Marcantoni Tomasini, chì hà vistu à u mumentu di a sintenza in Parighji u so fighjolu vultà in prighjoni dopu à ottu mesi di libertà ritrova dopu a so cundanna à cinqui anni sottu à i marchjoni. È malgradu tuttu, quissa quì, rassicurata da i nutizii ricenti di u so fighjolu da a prighjoni di Fresnes, spera chì l'avvicinamentu da quì à pocu di u so fighjolu, chì pari assicuratu da a ghjustizia, si farà propiu in furia, com'è pà una pussibilità di liberazioni cundiziunali.
Steti à senta à Maryse Marcantoni Tomasini.
Sur le même sujet
