Les médecins libéraux de Corse brandissent la menace d'un déconventionnement massif face à l'État
I medichi libarali di a Corsica, via u so cullittivu ML Corsica, si sò ritrovi sabbatu in Biguglia, par trattà in siminariu u scunvinziunamentu. Vali à dì chì par issu centu di medichi, si poni oramai a quistioni di a isciuta di u solitu rimbursamentu lla sicurità suciali.
Issa riflissioni hè avviata chì à ciò ch’idda ni pari, a minaccia d’un scunvinziunamentu d’una gran’parti di i medichi saria a manera di metta a prissioni à u statu, da ch’iddu piddi in contu meddu i prublimatichi di i medichi libarali.
In Corsica, issu pinseri hè rinfurzatu chì, à senta ni i duttori, a presa in contu di i difficultà di l’isulanità ùn si faci guasgi micca.
Steti à senta, à nomu di u cullittivu ML Corsica, à u duttori Cyril Brunel.
Erani prisenti à issu siminariu medichi di u cuntinenti, certi di quissi avendu aghjà francatu u passu di u scunvinziunamentu. Prisenti incù iddi era u duttori Jérôme Marty, una di i so figuri midiatichi.
Pà u prisidenti di l’Union Française de la Médecine Libre, sariani 5 000 i medichi ad avè fattu senta a so vulintà d’impignà si in una campagna di scunvinziunamentu, par casu ch’idda sichi missa in anda.
Ma u scunvinziunamentu, chì sariani i so cunsiquenzi pà u medicu ? È pà l’aienti ?
Steti à senta i spiicazioni di u duttori Jérôme Marty.
