Les inquiétudes d'associations autour de la loi asile-immigration et du climat pour les immigrés en Corse
(A redazzioni d'Alta Frequenza) - Ssu marcuri, raprisintanti di u Succorsu Pupulari, di a CIMADE, di a Reta d'Educazioni Senza Fruntieri, di Fratellanza, di u CCFD, di a Ghjesgia Prutestanti Unita è d'altri associ ani fattu cunnoscia i so inchietudini cuncirnendu a legi asiliu è imigrazioni prisintata da u ministru di l'Internu, Gérard Collomb. Pà ssu cullittivu, si tratta di fà crescia d'una manera gravi a legislazioni di pettu à i migranti è l'imigrati, ciò chì pudaria dà di più spulsioni è un'accolta di più in più ristretta. L'uccasioni dinò pà ssu cullittivu d'intimurisciasi di a situazioni in Corsica, induva d'appressu à quissu quì, a situazioni ùn hè micca appaciata è induva, d'appressu à Marie Odile Wilson Sorba, chì faci parti di a CIMADE, famighji d'imigrati ani presu a dicisioni d'andassini "parchì t'ani a paura".
Steti à senta à Marie Odile Wilson Sorba.
