Législatives : Michel Castellani candidat Pè a Corsica dans la 1ère circonscription 2B
(A redazzioni d'Alta Frequenza) - In a prima circuscrizzioni di Corsica Suprana, l’identità di u candidatu Pè a Corsica à i legislativi ùn avarà micca criatu un dibattitu maiò postu chì hè Michel Castellani, u solu à vulessi ingaghjà bè in a battaghja, chì hè infini candidatu. Accumpagnatu da a cunsighjera tarrituriali Juliette Ponzevera, l’aghjuntu à u merri di Bastia t’avarà u so chì fà pà pruvà à pighjà a circuscrizzioni à un Sauveur Gandolfi Scheit chì sarà in corsa pà un terzu mandatu cù i culori di Les Républicains, è di pettu à a cuncurrenza di François Orlandi pà La République en Marche o quilla di u candidatu di u Front National. Ma d’appressu à Michel Castellani, u veru cambiamentu passa da u fattu di mandà eletti naziunalisti à l’Assemblea Naziunali, pà purtacci i missaghji di a maghjurità tarrituriali.
Steti à senta à Michel Castellani.
