Législatives : la Coordination Inter associative de Lutte contre l’Exclusion 2A interpelle
(A redazzioni d'Alta Frequenza) - A puvartà hè impurtanti in Corsica. Tocca una parsona nant'à cinqui è ùn pianta di crescia. A CLE, a Cuurdinazioni di Lotta contr'à a Sclusioni, hà dicisu in ssu cuntestu quì di lampà una chjama à i candidati à l'alizzioni legislativa, è què ind'i quattru circuscrizzioni di Corsica pà pudè cunnoscia a pulitica ch'elli vulariani metta in opara pà fà rinculà a miseria, passendu pà certi misuri. I risposti sò dispunibuli nant'à u www.cle-pumonte.fr. Tutti i candidati ùn ani micca rispostu, ma ani fattu cunnoscia a so brama di falla cù risposti pricisi è adattati. U custatu hè unanimu cuncirnendu a situazioni di a Corsica à u nivellu di a precarità, eppuru l'uzzioni scelti sò diffarenti sicondu i sinsibulità pulitichi. Pruposti chì farani nascia un accunsentu, spera a CLE, pà rinfurzà l'impattu di u pianu regiunali di lotta contr'à a puvartà aduttatu da a CTC. U diputatu, un elettu di a nazioni ma chì pudaria purtà dinò l'inchietudini di un tarritoriu, u quistiunariu di a CLE devi risponda à ssa dumanda ?
I pricisioni di Hyacinthe Choury, u presidenti di u Succorsu Pupulari di Corsica Suttana.
Sur le même sujet
