Le statut d'île montagne pour la Corse adopté en commission à l'Assemblée nationale
(A redazzioni d'Alta Frequenza) - A cumissioni di l'affari ecunomichi di l'Assemblea Naziunali hà aduttatu à l'unanimità arisera (luni) l'amendamentu nant'à u statutu d'isula muntagna di a Corsica. Ghjuvan Filici Acquaviva, cunsighjeru esecutivu è presidenti di u cumitatu di muntagna s'hè filicitatu di ssu votu quì. Par ellu "una paghjina nova hè in traccia di scrivasi pà a Corsica [...] parchì aldilà di u dispusitivu tennichi chì offri un quadru ghjuridicu rinnuvatu à u cumitatu di muntagna, l'impegni cuncreti sarani impurtanti pà l'internu di l'isula. Misuri rigulamentarii, misuri fiscali, mezi finanziari, mantenimentu di i servizi publichi", cuntinueghja Ghjuvan Filici Acquaviva. Ss'ultimu stima dinò chì "dopu à u travaghju di l'esecutivu è di a maghjurità tarrituriali, sustinutu da i diputati corsi, ssu votu hè una sbuccata è à tempu un principiu".
Sur le même sujet
