Le ministre de l’intérieur annonce la commande de 6 avions bombardiers d'eau
(A redazzioni d'Alta Frequenza) - U ministru di l'Internu Gérard Collomb hà annunziatu ssu luni l'acquistu pà 400 millioni d'auri di 6 avviò novi chì lampani acqua, cù parechji pussibilità di missioni. Si tratta di luttà u meghju pussibuli contr'à i fochi chì nascini. A cumunicazioni di u ministeru ramenta chì u parcu di l'avviò ùn era più statu cambiatu dipoi 10 anni, a staghjoni 2017 di i fochi di furesta hè stata assai eccezziunali è a più impurtanti dipoi u 2003, à tempu primaticcia è longa à compiasi, a prova si n'hè cù i fochi di ss'ultimi ghjorni in Corsica. Ssi sei avviò novi, cù un prima chì sarà dispunibuli nanzi à l'istati 2019, s'aghjustarani à i dui Dash 8 Q 400. A so pulivalenza hà da parmetta à ss'avviò d'essa mubilizati in priurità pà i missioni di lotta contr'à i fochi di furesta, ma dinò d'offra à a securità civili capacità indispinsevuli di prughjezzioni di matiriali è di parsunali di succorsu"
