Le groupe Libertés, Indépendants, Outre-Mer et Territoires veut mettre son influence grandissante au service de la Corse
Issa duminicata, Bertrand Pancher, u prisidenti di u gruppu LIOT, era in Bastia par parlà di a dinamica d’issu gruppu, ind’iddi sò scritti i trè diputati naziunalisti corsi, ma ancu par parlà di u cartulari lla Corsica.
Bertrand Pancher, chì hà scontru à Gilles Simeoni, hè prontu à metta u gruppu à u sirviziu di l’uriintazioni difesi da i trè diputata naziunalisti, par ciò chì tocca à u statutu lla Corsica.
Ramintendu chì u so gruppu hà fattu valè u so drittu par impona una cumissioni d’inchiesta parlamintaria pà l’assassiniu d’Yvan Colonna in prighjoni, Bertrand Pancher dici chì i dumandi di i so culleghi sò in cunfurmità cù a so visioni lla francia.
Bertrand Pancher hà cumintatu u scopu spicificu di u so gruppu, chì hè pusiziunatu trà maiurità è uppusizioni, è chì dunqua intaressa à tutti ed hè ascultatu.
Steti à senta à Bertrand Pancher
Jean-Félix Acquaviva, u diputatu lla siconda circuscrizzioni llu Cismonti, hà cumintatu i discussioni di vennari in parigi.
Par iddu, à u cuntrariu di ciò ch’iddi poni pinsà certi parsoni, i punti à ùn francà di macron ùn scantani di manera difinitiva certi sughjetta cintrali, com’è u statutu di risidenti, chì sò quantunca facitoghji.
Steti lu à senta.