Langue corse : réunion ce mardi pour les élus insulaires au ministère de l'Education nationale
(A redazzioni d'Alta Frequenza) - Viaghju novu in Parighji pà una dilegazioni d'eletti di a Corsica ssu marti. In fatti, Gilles Simeoni, u presidenti di l'Esecutivu di Corsica, Ghjuvan Guidu Talamoni, u presidenti di l'Assemblea di Corsica, Saveriu Luciani, cunsighjeru esecutivu in carica di a lingua corsa, i presidenti di i gruppi di l'Assemblea di Corsica, i presidenti di i dui dipartimenti, di i gruppi di i cunsighji dipartimintali eppo i diputati è senatori di l'isula sarani ricivuti da a ministra di l'Educazioni naziunali è a ministra di a Cultura. Si tratta di a prima riunioni di u gruppu di travaghju "lingua è cultura corsa", pà rifletta à un rinforzu di l'insignamentu di u corsu. Un appuntamentu novu in un ministeru pà Gilles Simeoni, chì pruvarà, malgradu u blucchimi putenti da un puntu di vista puliticu trà a Corsica è u guvernu nant'à ssu sughjettu par asempiu, d'amintà u cartulari difficiuli di a cuufficialità di a lingua corsa. Comu u presidenti di l'Esecutivu aspetta ssu scontru novu ?
Steti à senta à Gilles Simeoni.
Sur le même sujet
