Langue corse : le compte n'y est toujours pas
(A redazzioni d'Alta Frequenza) - Ùn c’hè micca u contu : ùn c'era micca bisognu d'essa un sapientonu par induvinà a riazzioni di a dilegazioni corsa dopu a riunioni ssu marti in u ministeru di l'Educazioni naziunali. Hè in fatti u sintimu di l’Esecutivu di Corsica, chì hè statu ricivutu cù parechji altri eletti di a Corsica pà u gruppu di travaghju dittu Lingua Corsa missu in ballu cù u guvernu. Hè statu « innò » pà a cuufficialità, com'è soca pà l’altri rivindicazioni liati à a lingua, par asempiu à a missa in ballu di un’agregazioni di lingua corsa o à a criazioni di centri d’immersioni. I risposti ùn sò micca stati à l’altezza di ciò chì s’aspittava sicondu a maghjurità tarrituriali, com'ellu a ci dici u presidenti di l'Esecutivu di Corsica.
Steti à senta à Gilles Simeoni.
