La saison des croisiéristes commence
Photo : Francescu Maria Bertocchini
Marti, l’ani vista l’aiaccini, hè cuminciata a staghjoni lli cruceri, cù una prima navi ghjunta in portu, à torru à u Marcatu. À bordu, erani à millai i passaghjeri pronti à avvinghja i carrughji lla cità impiriali.
Certi sò andati à u marcatu, tanti altri ani avvintu u borgu o sò mossi à veda a citadella. Senza cuntà à tutti quiddi chì ani impiutu u trinnicheddu par andà à visità i loca storichi lla cità, com’è u Casonu è a so statula di Napulionu.
In u 2022, sò stati 227 i scali di battelli di crucera in Aiacciu.
In u 2023, issu sciffru hè cuddatu di 36 %. Ma par issu 2024, d’issi battillona ni duvaria vena circa quaranta di menu.
Soca certi cumircianti ci pirdarani calcosa, ma l’aiaccini forsa ci vinciarani calcosa, chì sò sempri più numarosi à lagnà si di i danni è di a pulluzioni ch’iddi arrecani issi bastimenta.
U cullittivu Terra, o ancu certi partiti pulitichi com’è Cori in Fronti dinunciani i pulluzioni prudutti da u turismu di massa.
Sur le même sujet
