La ministre du Travail, de la Santé, et des Solidarités en visite en Corse ce lundi
Photo : Capture écran TV
Hè in Corsica issu luni a ministra di u travaddu, di a saluta è di i sulidarità.
In Vicu, hà da essa prisenti à l’inaugurazioni di u terzu locu di l’EHPAD Jeanne d’Arc, unu stabilimentu privatu non lucrativu, chì accoddi 24 parsoni.
Custruitu in un paesu, issu stabilimentu hè statu primiatu da a chjama à prughjetti 2021 CNSA « un tiers lieu dans mon EHPAD ». Rispondi à l’ughjittivu d’accissibilità, è permetti à quiddi chì ci stani d’ùn essa più soli è scantati, è di ripiddà piazza in a sucità.
L’EHPAD di Vicu t’hà par fini di creà un’unità di vita adatta di cinqui piazzi, chì permetti di fà si à u ritimu è à i bisogna di i risidenti. U stabilimentu vurria pudè sviluppà un polu d’attività è di midicaturi adatti, da accodda dodici parsoni tocchi da a malatia d’Alzheimer.
Sur le même sujet
