La dette finalisée de l'ancien SC Bastia au minimum de 12,5 millions d'euros
(A ridazzioni d'Alta Frequenza) - Si cumencia ad avè un’idea pricisa di ciò ch’iddu hè u debbitu di a difunta struttura prufiziunali llu Sporting Club di Bastia.n In fin’di dicembri, fattu u travaddu di Bernard Roussel, u liquidatori lla squadra, hè statu spostu u statu lli debbiti, adimissi o righjittati da u ghjudici in carica d’issu cartulari à u tribunali di cumerciu di Bastia. À leghja issu ducumentu, u ghjudici cumissariu hà datu cunfirma, à u minimu, di 12,5 milliona d’auri di debbiti, à nantu à i 27,3 milliona dichjarati da i criditori. Si dici à u minimu chì certi debbiti, com’è quidda difinitiva di l’URSSAF, ùn sò ancu stabbiliti di manera pricisa. I principali criditori lla squadra sariani l’urganismi suciali è l’impositi. Dici ancu u ducumentu chì a SASP SC Bastia avaria un tutali di 1,3 milliona d’auri di trasfirimenti o impresti ancu à pagà à parichji squadri, ma dinò ritardi maiori in li pagamenti d’agenti di ghjucadori A Cumunità d’Agglumirazioni di Bastia, idda, ùn hè ancu à incascià più di 500000 auri pà l’utilisazioni llu stadiu Armand Cesari. Ci sò infini i pruciduri cù i ghjudici paritarii, ch’ùn sò cuntati in i debbiti, è chì vani à circà i 3,1 millioni d’auri. In i sittimani ch’entrini, si ni duvaria sapè di più, par ciò chì tocca à i cunsiquenzi d’issi cosi à nantu à l’attuali Sporting Club di Bastia, ch’ùn devi essa cunfusu cù a SASP
Sur le même sujet
