La dernière audition du SCB devant la DNCG reportée à mardi
(A redazzioni d'Alta Frequenza) - U SC Bastia cuntinueghja à luttà pà a so salvezza. Dopu a falata in Naziunali 1, i dirighjenti attuali ani fattu tutti i ricorsi spurtivi par essa integrati torna in Liga 2. U cartulari sarà asaminatu davanti u Tribunali amministrativu di Parighji dumani. Malgradu tuttu, si tratta di un ricorsu guasgi à l'addisperu. U club appronta in ssu mumentu un bughjettu pà pudè riparta in Naziunail 1. L'audizioni davanti a DNCG, pà pudè validà u bughjettu, hè stata rinviata à marti chì veni. I dirighjenti bastiacci duvarani truvà l'equilibriu ghjustu trà a parti didicata à i spesi di funziunamentu di u club pà l'eserciziu 2017-2018, è a parti cunsacrata à u debbitu à pagà duranti un certu tempu. S'è u passaghju hè riisciutu, u SC Bastia pudaria riparta in Naziunali 1, ancu s'è ss'ipotesi hè cunsidarata com'è "una bistialità" da i pruprietari futuri pussibuli. Ss'ultimi dicini ancu chì quilli chì "approntani un bughjettu in Naziunali 1 sò malati mintali". S'ella c'hè una scunfitta nova davanti a DNCG, u club pudaria falà di dui divisioni novi, fin'è a Naziunali 3, un nivellu induv'ella ghjoca a riserva di u club. A seria di l'istati ùn hè dunqua ancu à compia...
Sur le même sujet
