La Corse va faire sa demande d'adhésion à la FIFA
(A ridazzioni d'Alta Frequenza) - A Corsica hà da dumandà à adirì à a Fidirazioni Internaziunali llu Ballò, a FIFA. Hè mutivata, issa dumanda, da un articulu in li statuti lla FIFA, chì dici chì « cù a pirmissioni di l’associu llu so paesu maestru, l’associu d’una righjoni ch’ùn hè ancu indipindenti pò dumandà a so adimissioni à a FIFA ». Da ghjustificà issa pruposta, hè insignatu u casu, quantunca diffarenti, di a Scozzia, l’Irlanda llu Nordu o u Paesu Gallesu. E sò mintuvati dinò altri tarritoria, più minori è menu pupulati chè a Corsica, com’è Gibraltar o Taittì, chì sò riprisintati à a FIFA, è participighjani à i macci di qualificazioni pà a Cuppa llu Mondu. A muzioni, sposta à nomu llu gruppu Femu a Corsica, hè stata accittata. L’Assemblea di Corsica dà mandatu à u prisidenti di l’esecutivu, ch’iddu faccia i dimarchji nicissarii à a Fidirazioni francesa llu ballò. Di fatti, saria iss’istituzioni francesa a sola capaci à bluccà issu cartulari.
Sur le même sujet
