La Conca d'Oru brigue le label Grands Sites de France
(A redazzioni d'Alta Frequenza) - U Mont Saint-Michel, u Pont du Gard, a Camargue et a Baie de Somme sarani raghjunti da quì à pocu da a Conca d'Oru ? Hè in tutti i casi a brama di l'eletti di Barbaghju, Ferringule, Oletta, Patrimoniu, U Poghju d'Oleta, San Fiurenzu è di u cunsighju dipartimintali di Corsica Suprana chì dopu à mesi d'appruntera ani signatu una cunvenzioni cù i basi di ciò ch'ella sarà a guvernenza di grandi situ s'è à a fin di marzu, dopu à l'avisu resu u 9 di marzu da un cumitatu cunsultativu, a ministra Ségolène Royal dicidi d'attribuiscia ssu label chì cuncerna oghji quindeci siti turistichi in Francia. Un label pà sei anni è chì tocca l'eccelenza in tarmini di sviluppu turisticu è ecunomicu in armunia cù l'ambienti. U label Grand Site pudaria parmetta di fà passà a fraquintazioni turistica da 500 000 à un millioni di parsoni ogni annu, ancu s'è una dodecina di millioni d'auri d'investimenti sarani nicissarii par investiscia ind'a valurisazioni di u patrimoniu chì asisti.
Steti à senta à Antoine Orsini chì s'hè incaricatu di l'elaburazioni di ssu cartulari inde u cunsighju dipartimintali di Corsica Suprana.
Sur le même sujet
