La CAB annonce qu'une remise en état de la pelouse d'Armand-Cesari est possible
(A redazzioni d'Alta Frequenza) - À mezu à i vittimi di a falata di u Sporting Club di Bastia è di a gistioni di l'anziana squadra dirighjenti di u club, c'hè u tarrenu di u stadiu Armand Cesari, cù un intrattenu chì era à a carica di u club. Un tarrenu chì ùn hè più intratinutu dunqua dipoi parechji simani, è chì, par via in più di u caldu è di a sicchia, hè ingiallitu ed hè in un gattivu statu. Ssa situazioni pò essa cambiata, sicondu a Cumunità d'Agglumerazioni di Bastia, chì hà ripresu a manu nant'à u cartulari è dumandatu una spertizia. D'appressu à a CAB, "ssa spertizia hà missu in avanti prublemi d'intrattenu ma hà fattu spuntà u fattu chì u tarrenu pudarà essa rinvivitu." A CAB faci sapè chì "dopu à a chjarificazioni di l'avvena di u club da una parti è à ssa spertizia da un'antra banda, a CAB hè oramai in misura d'intarvena in un quadru tennicu è ghjuridicu chjaru, cù com'è scopu d'uttena una tarrenu chì pudissi essa torna apartu à a pratica pà u principiu di u mesi d'uttrovi." (ritrattu archivi)
