L'Association Nationale des Elus de Montagne veut soutenir la spécificité corse
(A redazzioni d'Alta Frequenza) - A muntagna ùn hè nè di manca, nè di diritta, nè naziunalista, hè unita. Eccu u missa ch'ellu hà vulsutu purtà Laurent Wauquiez, diputatu Les Républicains ma soprattuttu presidenti di l'Associu Naziunali di l'Eletti di Muntagna duranti un spiazzamentu in Corsica ssu luni. Rumpitura numerica, pinseri inghjinnati da l'urganisazioni intercumunali nova è prublemi ecunomichi erani à u prugramma di ssa visita chì hè accaduta appena dopu chì u cumitatu di muntagna sighi statu rilanciatu di manera ufficiali; ci vultaremi ind'i nostri nutiziali chì venini nant'à ssu puntu pricisu. Soprattuttu, Laurent Wauquiez, chì ramenta sempri a leia affettiva forti cù a Corsica induv'ellu hà travaghjatu ind'a so ghjovana carriera inde l'amministrazioni, l'hà ditta forti : purtarà à l'Assemblea Naziunali a necessità d'avè una presa in contu di i specificità di a Corsica grazia à un capitulu specificu ind'u sicondu latu di a legi Muntagna chì sarà prisintatu da quì à pocu à l'Assemblea Naziunali è u Senatu.
Steti à senta à Laurent Wauquiez.
