L'association Inseme demande l’adaptation des règles du code de la Sécurité Sociale à la situation de la Corse
(A redazzioni d'Alta Frequenza) - L'associu Inseme, chì aiuta i Corsi chì devini andà in cuntinenti pà raghjoni medicali, urganizava calchì ghjornu fà a so assemblea generali. L'uccasioni di fà u puntu nant'à l'annata scorsa. Inseme hà sustinutu annu 584 famighji, cù l'attribuzioni di 909 aiuti pà una somma glubali di più di 149 000 auri. A racolta "un mois pour un toit", lanciata grazia à una dimarchja di finanziamentu participativu nant'à a tela, hà parmissu di racoglia 128 000 auri in un mesi, parmittendu di cumprà da quì à calchì ghjornu un T2 vicinu à l'uspidali di a Timone in Marseghja, par allughjacci i parenti di zitelli uspitalizati. L'annata 2018 sarà quilla di a cuntinuità di a lotta pà fà ricunnoscia i spicificità di i malati corsi è di i so famighji, di pettu à l'assenza nant'à l'isula di CHU. L'associu dumanda oghji l'adattazioni di i reguli di u codeci di a Securità Suciali à a situazioni di l'isula, cù una brama d'equità. Una rivindicazioni chì ci hà da vulè à purtà à u nivellu puliticu, com'ella a ci dici a presidenti d'Inseme.
Steti à senta à Laetitia Cucchi.
Sur le même sujet
