L'AC Ajaccio s'impose en amical face au SC Bastiais (5-1)
(A ridazzioni d'Alta Frequenza) - In u macciu amichevuli di marti sera, in Timizzolu, l’AC Aiacciu hà vintu 5 à 1 contru à u SC Bastia, chì facia u so primu scontru da appruntà a so staghjoni di Naziunali 3. In a prima parti, Tramoni hà marcatu 3 volti, è u novu ghjucadori aiaccinu, Youssouf, una volta. Cusì, a squadra aiaccina si hè subbitu assicuratu unu scontru chietu. In a siconda parti, l’addistradori ani fattu monda cambiamenti, è u scartu trà i dui squadri hè statu minimu. À a 77esima minuta, Avinel hà missu un marcu di più par Aiacciu. In fin’di scontru, Schur hà marcatu pà Bastia, lintendu unu stucciu chì Sollacaro ùn hà pussutu parà. Un puntu nigativu quantunca : l’attaccanti aiaccinu Joseph Mendes hè isciutu innanzi à a fini lla partita, parvia d’un dulori à a coscia. Aiacciu scuntrarà, vennari, u FC Bastia Borgu, una squadra chì a si ghjustrarà cù u SC Bastia u 24 di luddu
Sur le même sujet
