Jour-J pour la Nouvelle Assemblée de Corse
(A redazzioni d'Alta Frequenza) - Marti u 2 di ghjinnaghju di u 2018 ! Hè ora ! À partasi da 2 ori è mezu, ci sarà a seenza di stallazioni di a nova Assemblea di Corsica dopu a vittoria nova di i naziunalisti à l’alizzioni di u 10 di dicembri scorsu ; un evenimentu ch’è vo pudareti campà in vivu d’altrondi nant’à l’ondi di a vostra radiu, Alta Frequenza. Una data storica nova, postu chì si trattarà di u lanciamentu di a nova Cullittività unica di Corsica, fusioni di a CTC è di i dipartimenti di Corsica Suttana è di Corsica Suprana. Da 51, u numaru di cunsighjeri passa à 63, ciò chì hà inghjinnatu accunciamenti inde l’emiciculu di u Grand Hôtel. Dopu chì i naziunalisti avissini uttenutu, ed hè torna quì a prima volta inde a storia di un’alizzioni tarrituriali, a maghjurità assuluta, hè senza surpresa chì Ghjuvan Guidu Talamoni hà da ritruvà a presidenza di l’Assemblea di Corsica. Suvitarà l’alizzioni di i cunsighjeri esecutivi eppo l’alizzioni di u presidenti di l’Esecutivu, cù un futtogliu ch’ellu hà da ritruvà anch’ellu Gilles Simeoni. Comu i sirvizi cumpitenti ani appruntatu ss’evenimentu puliticu maiò chì hà avistu 180 dumandi d’accreditazioni di stampa arrighjistrati, ciò chì dimostra l’intaressu maiò ch’ellu crea ?
Steti à senta à Serge Tomi, u secretariu generali di l’Assemblea di Corsica.
Sur le même sujet
