Joseph Colombani riposte et fait appel après sa condamnation en justice pour une facture antidatée
In principiu di sittimana, u tribunali di Bastia hà ghjudicatu à Joseph Colombani, u prisidenti lla Camara d’Agricultura di u Cismonti, pà un affari di froda à l’aiuti agriculi issendu successu in u 2010 è scupartu in u 2013. Li si rimpruvarighja, à Joseph Colombani, d’avè fattu fatturi falsi, da pudè prufittà di 7 775€ d’aiuti di u statu è altr’è tanti di u FEADER, u fondu aurupeu.
A cundanna pà issi fatti hè stata di novi mesa di prighjunia ferma accuncevuli, 15 000€ d’amenda, è una presa di 7 775€.
Joseph Colombani, chì à l’epica ùn era prisidenti lla Camara d’Agricultura, hà dittu chì a ghjustizia era accanita contru ad iddu parvia di i so funzioni, è hà fattu appellu d’issa dicisioni.
Ancu puri issendu ci un’antidata à nantu à i fatturi, i 15 500€ d’aiuti ani ghjuvatu à cumprà matiriali suvvinziunevuli : eccu ciò ch’iddu hà vulsutu pricisà Joseph Colombani, chì dici ch’iddu si hè fattu uffesa à a so prubità, cù issa cundanna sprupusitata.
Forsa ch’idda vinarà issa quistioni par casu ch’idda ci sichi una cundanna difinitiva, ma par avali, Joseph Colombani ùn conta smetta si di i so funzioni.
Steti lu à senta.
